KALEKAren 34. edizioan parte hartzeko deialdia zabalik

Lekeitioko Nazioarteko Kale Arteen Jaialdiak 2024ko ediziorako ikuskizun proposamenak jasotzeko epea irekiko du.

KALEKAren 34. edizioan proposamenak aurkezteko epea irekita egongo da abenduaren 10era arte. Lekeitioko Nazioarteko Kale Arteen Jaialdia bere edizio berria prestatzen ari da eta. Edizio berri honetan parte hartu nahi duten konpainia eta kolektibo guztiek aukera izango dute haien proposamenak aurkezteko 2023eko urriaren 20tik abenduak 10era bitartean.

Gogoratu beharra dago, azken urteetan parte hartzea gero eta handiagoa izan dela, urtero 400 proposamenetik gora jasoz. Azken urteetan gertatu den antzera, deialdi berri honetan bi arlo ezberdinduko dira: Sekzio Ofiziala eta Scratch.

KALEKAren Sekzio ofiziala espazio publikoa edo izaera bitxiko espazioak gaurkotasunean burututako sorrera-lanak aurkezteko erabiltzen dituzten artista, kolektibo, elkarte profesional edo/eta edozein autoretza motarentzat bideratuta dago.

Bestalde, KALEKA Scratch-ek garapen egoeran dauden proiektuak esperimentatu eta probatu nahi duten artista, kolektibo, elkarte profesional edo/eta edozein autoretza motarentzako plataforma bat eskainiko du.

Hori horrela, 2023ko abenduaren 10era bitartean aurkeztu ahalko dira proposamenak bi deialdietan, horretarako www.kaleka.eus atarian aurkitu ahalko den formularioa betez. Aurkeztu zure lana, eman izena eta parte hartu KALEKAren 34. edizioan!

21.000 IKUSLE BAINO GEHIAGO BILDU DITU KALEKAREN 33. EDIZIOAK

“Hegan egiteko garaia” lemapean Lekeitioko Nazioarteko Kale Arteen jaialdia goi mailako ikuskizunen erakusleiho bihurtu da asteburuan zehar.

Sua, argia, umorea, kalejirak edota sormena eta gogoeta bultzatu duten hamaika ikuskizunek bete dute aurtengo KALEKAren egitaraua. Lekeitioko kaleak kolorez jantzi dira uztailaren 7, 8 eta 9an, ikusle kopuru handia erakarriz. Eguraldi onak lagunduta, Lekeitioko Nazioarteko Kale Arteen Jaialdia erakusleiho bikaina bilakatu da kale arteak bultzatzen dituzten konpainia, kolektibo eta artistentzako. Jaialdiak oihartzun handia lortu du urte guzti hauetan, eta aurtengoan ez da gutxiago izan. Goi mailako egitarau anitza aurkeztu du KALEKAk, eta, hortaz, ez da harritzekoa 21.000 ikusletik gora hartu izana hamaika ikuskizunetan zehar.

33. edizio honek Portugal, Katalunia, Valentziar erkidegoa, Andaluzia, Gaztela eta Leon, Gaztela-Mantxa eta Euskal Herritik etorritako artistak bildu ditu. Eta azken hauei keinu berezia egin nahi izan zaie aurtengo leloarekin: “Hegan egiteko garaia”. Argi dago Euskal Herriko konpainia eta kolektiboak asko hazi direla azken urteetan, goi mailako ikuskizunak aurkezteko gai dira, eta hemen zein atzerriko jaialdietan haien lanak ikus ditzakegu. Aurtengoan lau izan dira KALEKAren egitarauan parte hartu duten euskal konpainiak: Cía Trotamundos (Finito.Infinit@), Haatik (Ur), Trapu Zaharra (Mesede bat egitearren) eta, noski Lekittoko Deabruak (Mingorri). Aipamen berezia egin behar zaio konpainia lekittarrak izandako bilakaerari. 11 urte bete ditu Lekittoko Deabruak, eta urte guzti hauetan egindako lanaren fruitua nabarmena da. Konpainia ikusgarri, berritzaile eta bakarra bilatuko dira, eta horren erakusgarri dugu aurten aurkezteko “Mingorri”. Konpainia lekeitiarrak handi izateko xedea duela argi utzi du milaka pertsona batu dituen piroteknia ikuskizun erraldoi batekin.

Era berean, estatu mailako konpainiak ere batu ditu KALEKAk, besteak beste, gogoeta eta umorea batu dituen Cía Xa Teatre-ren “Grands” kalejira; erloju baten barne bizitza kontatu digun Cía La Tal-en “Carrilló” clown ikuskizuna; poesia eta xarmaz inguratuta egon den Baychimo Teatro-ren “Versos que anidan” instalakuntza; musika, dantza eta maitasun istorioa kontatu digun Holoqué taldearen “La Caixeta”; Bainugela baten bizi den auzokide baten kontakizuna David Cebrián-en “WC”-ren eskutik; 7 Bubbles konpainiaren “Menina” poesia kalejira; Jaialdiaren nazioartekotasuna portugalgo PIA (Projectos de Intervenção Artística) konpainiaren eskutik etorri da, “Oxígeno” ikuskizunarekin.

33. KALEKAk ate eta xede berriak ireki ditu, orain ordea, hurrengo edizioaz prestatzen hasteko ordua da udazkenean irekiko den deialdi zabalaren bidez. Gogoratu, urtero bezala, KALEKAn parte hartzen duten proposamen guztiak deialdi ireki baten bidez aukeratzen direla. Aurtengoan 400 proposamenetik gora jaso ziren eta hurrengo edizioan gehiago izatea espero da. Informazio guztia kaleka.eus orrialdean egongo da udazken honetan.

Era berean, KALEKA jaialdiak eskerrak eman nahi dizkie hiru egun hauetan zehar parte hartu duten konpainia, kolektibo, laguntzaile eta, orohar, jaialdi honen parte izan direnei. Edizio hau arrakastatsua izan bada, guztiei esker izan da.

33. KALEKA HASTEAR DAGO!

Lekeitiok, berriro ere, kale arteen ikuskizun ederrenak hartuko ditu bere kale eta leku esanguratsuenetan:

  • KALEKA jaialdiaren edizio berriak 11 espektakulu aurkeztuko ditu, nazioarteko konpainia eta kolektiboen parte hartzearekin.
  • 406 ikuskizun aurkeztu ziren deialdi zabal baten bidez, horietatik hamaika izan dira jaialdirako aukeratuak.
  • Jaialdia uztailaren 7, 8 eta 9an zehar antolatuko da.


KALEKAk 33 edizio beteko ditu aurten, eta erakusleiho bikaina eskainiko die jaialdiaren parte izateko aukeratuak izan diren 11 ikuskizunei.

Kale arteak inoiz baino biziago daude eta urtetik urtera indar gehiago dute. Ikusleak gogotsu daude uda honetan ere ikuskizun ederrenak gure udalerrian jasotzeko. Zalantzarik gabe, KALEKA inguruotako jaialdi erreferente bat bilakatu da azken urteetan eta ikusleak horren jakitun dira. Aurten ere asko izango dira uztailean Lekeitiora hurbilduko direnak jaialdiaz gozatzera, udalerria ezagutu eta emozioz betetako asteburua bizitzera.

11 ikuskizun kale arteak herrian zabaltzeko
Aurtengoan 11 izango dira Lekeitioko kaleetan zehar ikusi ahalko ditugun Ikuskizunak, herriko gune esanguratsuenetara zein ezezagunenetara kale arteak eramanez. Portugal, Katalunia, Valentziar erkidegoa, Andaluzia, Gaztela eta Leon, Gaztela-Mantxa eta Euskal Herritik etorritako konpainia eta kolektiboak izango ditugu. Haien lanetan kale arteetako alor desberdinak landuko dituzten ikuskizunak izango ditugu, besteak beste, antzerkia, kalejirak, clownak, piroteknia, sormena sustatzeko espazioak edota gogoeta eragingo digutenak. Guzti hauek uztailaren 7, 8 eta 9an ikusi ahalko dira.

Gogora dezagun urtero bezala, jaialdian parte hartzen duten konpainia eta kolektiboak deialdi zabal baten bitartez aukeratuak izan direla. Guztira 406 ikuskizun aurkeztu ziren edizio honetan eta horietatik 10 izan dira aukeratuak. Gainera, garapen edo sorrera prozesuan dauden konpainia baten lana ere izango digu. Hau da, guztira 11 ikuskizunez osatutako jaialdia izango da.

Ofiziala, Scratch eta Blai
Aurreko urteetan ohitura izan den antzera, KALEKAk hiru lan lerro ezberdinduko ditu horretarako sortutako atalekin: KALEKA Ofiziala, KALEKAz Blai eta KALEKA Scratch.

KALEKA Ofizialak formatu ezberdinak lantzen dituzten konpainia eta kolektiboen lanak batzen ditu. Aurten Haatik, Trapu Zaharrak eta Lekittoko Deabruak bezalako konpainia euskaldunak hartuko ditu bere barnean atal honek. Baina baita estatu mailako Xa Teatre, Holoqué, David Cebrián, La Tal eta 7 Bubbles. Nazioartekotasuna Portugalgo PIA (Projectos de Intervenção Artística) konpainiak emango dio jaialdiari.

KALEKA Scratch-ek garapenen edo sorrera prozesuan dauden lanak batzen ditu, kultur agente, artista, ikusle eta abarren arteko sormenezko elkar trukaketa garatzeko espazioak eskainiz. Scratch-ek deialdi zabalaren bitartez aurkeztutako proposamenak hartzen ditu bere gain. Edizio honetan 25 eskaera jaso dira eta horietatik 1 izan da aukeratua, zehazki Cía Trotamundos bizkaitarrak.

KALEKAz Blai sekzioak esperimentazioarekin eta ikusleen parte hartze zuzenarekin lotutako akzioak hartzen ditu bere barnean. Edizio honetan Baychimo konpainiaren “Versos que anidan” izango dugu. Poesia-instalazio honek hitzak ohiko espazioen mugetatik aldenduko ditu, literatura bere idatzizko eta ahozko ingurunetik espazio, ikusmen, gorpuzki eta soinuaren eremura zabaltzea da.

Hauek izango dira aurtengo jaialdia osatuko duten konpainiak, zalantzarik gabe jaialdi anitz eta ikusgarria eskainiko dutenak.

33. KALEKA: HEGAN EGITEKO GARAIA

Kale arteak bizirik daude eta urtetik urtera indar gehiago dute. Habiatik ateratzeko ordua heldu da, hegan egin eta erakusleiho berrietara heltzeko unea. Badatoz, gero eta hurbilago daude, zerua zeharkatu eta Lekeitioko kaleetan barrena izango ditugu laster. Lekeitioko Nazioarteko Kale Arteen jaialdiak 33 edizio beteko ditu eta herritar zein bisitariak harrituta utziko dituen egitaraua aurkeztuko da.

11 ikuskizun kale arteak herrian zabaltzeko

Aurtengoan 11 izango dira Lekeitioko kaleetan zehar ikusi ahalko ditugun ikuskizunak, herriko gune esanguratsuenetara zein ezezagunenetara kale arteak eramanez. Portugal, Katalunia, Valentziar erkidegoa, Andaluzia, Gaztela eta Leon, Gaztela-Mantxa eta Euskal Herritik etorritako konpainia eta kolektiboak izango ditugu. Haien lanetan kale arteetako alor desberdinak landuko dituzten ikuskizunak izango ditugu, besteak beste, antzerkia, kalejirak, clownak, piroteknia, sormena sustatzeko espazioak edota gogoeta eragingo digutenak. Guzti hauek uztailaren 7, 8 eta 9an ikusi ahalko dira.

Gogora dezagun urtero bezala, jaialdian parte hartzen duten konpainia eta kolektiboak deialdi zabal baten bitartez aukeratuak izan direla. Guztira 406 ikuskizun aurkeztu ziren edizio honetan eta horietatik 10 izan dira aukeratuak. Gainera, garapen edo sorrera prozesuan dauden konpainia baten lana ere izango digu. Hau da, guztira 11 ikuskizunez osatutako jaialdia izango da.

Ofiziala, Scratch eta Blai

Aurreko urteetan ohitura izan den antzera, KALEKAk hiru lan lerro ezberdinduko ditu horretarako sortutako atalekin: KALEKA Ofiziala, KALEKAz Blai eta KALEKA Scratch.

KALEKA Ofizialak formatu ezberdinak lantzen dituzten konpainia eta kolektiboen lanak batzen ditu. Aurten Haatik, Trapu Zaharrak eta Lekittoko Deabruak bezalako konpainia euskaldunak hartuko ditu bere barnean atal honek. Baina baita estatu mailako Xa Teatre, Holoqué, David Cebrián, La Tal eta 7 Bubbles. Nazioartekotasuna Portugalgo PIA (Projectos de Intervenção Artística) konpainiak emango dio jaialdiari.

KALEKA Scratch-ek garapenen edo sorrera prozesuan dauden lanak batzen ditu, kultur agente, artista, ikusle eta abarren arteko sormenezko elkar trukaketa garatzeko espazioak eskainiz. Scratch-ek deialdi zabalaren bitartez aurkeztutako proposamenak hartzen ditu bere gain. Edizio honetan 25 eskaera jaso dira eta horietatik 1 izan da aukeratua, zehazki Cía Trotamundos bizkaitarrak

KALEKAz Blai sekzioak esperimentazioarekin eta ikusleen parte hartze zuzenarekin lotutako akzioak hartzen ditu bere barnean. Edizio honetan Baychimo konpainiaren “Versos que anidan” izango dugu. Poesia-instalazio honek hitzak ohiko espazioen mugetatik aldenduko ditu, literatura bere idatzizko eta ahozko ingurunetik espazio, ikusmen, gorpuzki eta soinuaren eremura zabaltzea da.

Hauek izango dira aurtengo jaialdia osatuko duten konpainiak, zalantzarik gabe jaialdi anitz eta ikusgarria eskainiko dutenak.

BOLONDRES BILA GABILTZA

KALEKAk ekoizpen talde bat sortu nahi du uztailaren 7tik 9ra ospatuko den 33. Nazioarteko Kale Arteen Jailadian sortuko diren koordinazio lanetan esku hartzeko.

Bolondres programa honetan parte hartzea, jendea ezagutzeko, gaur eguneko sorkuntzaren munduan barneratzeko eta esperientzia profesionala jasotzeko aukera paregabea da.

Egin beharreko lanak hauek izango dira:

· Gonbidatutako konpainiei laguntza ematea
· Espazioen prestaketa
· Parte hartzaile / publikoen gestioa
· Montaketan laguntasuna eman eta materialen zaintza
· Ekintzetan laguntasuna ematea
· Jaialdiari buruzko informazioa ematea

18 urte baino gehiago baldin badituzu eta gogotsua baldin bazara, etor zaitez uztailaren 7tik 9ra Lea Artibai mailan antolatzen den proiektu kultural garrantzitsuenetarikoan parte hartzera.

Izen emateko epea ekainaren 5era arte egongo da zabalik, eman izena hemen!

KALEKAren 33. edizioan parte hartzeko deialdia zabalik

Lekeitioko Nazioarteko Kale Arteen Jaialdiak 2023ko ediziorako ikuskizun proposamenak jasotzeko epea irekiko du.

KALEKAren 33. edizioan proposamenak aurkezteko epea irekita egongo da abenduaren 6ra arte. Lekeitioko Nazioarteko Kale Arteen Jaialdia bere edizio berria prestatzen ari da eta. Edizio berri honetan parte hartu nahi duten konpainia eta kolektibo guztiek aukera izango dute haien proposamenak aurkezteko 2022eko irailaren 30etik abenduak 6ra bitartean.

Gogoratu beharra dago, azken urteetan parte hartzea gero eta handiagoa izan dela, urtero 400 proposamenetik gora jasoz. Azken urteetan gertatu den antzera, deialdi berri honetan bi arlo ezberdinduko dira: Sekzio Ofiziala eta Scratch.

KALEKAren Sekzio ofiziala espazio publikoa edo izaera bitxiko espazioak gaurkotasunean burututako sorrera-lanak aurkezteko erabiltzen dituzten artista, kolektibo, elkarte profesional edo/eta edozein autoretza motarentzat bideratuta dago.

Bestalde, KALEKA Scratch-ek garapen egoeran dauden proiektuak esperimentatu eta probatu nahi duten artista, kolektibo, elkarte profesional edo/eta edozein autoretza motarentzako plataforma bat eskainiko du.

Hori horrela, 2022eko abenduaren 6ra bitartean aurkeztu ahalko dira proposamenak bi deialdietan, horretarako www.kaleka.eus atarian aurkitu ahalko den formularioa betez. Aurkeztu zure lana, eman izena eta parte hartu KALEKAren 33. edizioan!

KALEKAREN 32. EDIZIOAK 21.000 IKUSLE BILDU DITU ASTEBURUAN

Jaialdiaren berpizkundeak milaka ikusle batu ditu hamalau ikuskizunetan zehar, arrera arrakastatsua lortuz.

Lekittoko Deabruak-en sua, Markeliñe-ren beldurra edota El Gran Dimitri-ren umoreak ikusle kopuru handia erakarri du Lekeitioko kaleetara. Hiru egunetan zehar hamalau proposamen izan ditugu eta, eguraldi onak lagunduta, ikuskizun guztietan ikusle kopuru handia izatea lortu da.

Lekeitioko Nazioarteko Kale Arteen Jaialdiaren berpizkundea izango zela aurreratzen genuen, azken bi urteetako osasun egoeraren ondorioz sortutako mugen ondoren, eta horrela izan da. Inoiz baino indar handiagoarekin bultzatuta etorri da jaialdia bere 32. edizioa ospatzeko.

Egitarau paregabea aurkeztu da eta ikusleen arrera bikaina izan da. Ikuskizunen izaera anitzaren bidez, arlo eta disziplina desberdinetako kale arteak izan ditugu jaialdian zehar. El extraño caso de la calle Brasov (Troula Animación) eta Glubs (Nacho Vilar Producciones) kalejirak, Carman (Javier Ariza), The Legend (El Gran Dimitri)eta Benditas (El mono habitado) ikuskizunen umorea, We all live in a box (Ambae Company) performance-aren musika eta kutxak, Inkululeko (Kaput), Psike (Markeliñe) eta Akabo! (Cia. Barsanti) ikuskizunek bultzatutako gogoeta, El Gran Final (Bucraá Circus) eta Circus Feria (Bambolea) taldeen zirkua edota Suricata Hoops (La Suricata Circus) eta Agustinne (Cía. Ido Loca) garapenean dauden Scratch ikuskizunak bildu ditu edizio honek. Eta noski, Lekittoko Deabruak taldearen 10 urtez, hamaika sugar piroteknia ikuskizuna ere izan dugu. Lekeitioko taldeak herriko kaleak su eta argiz bete zituen, milaka ikusle batuz. Zalantzarik gabe jaialdi osoan jarraipen handiena izan duen ikuskizunaz hitz egiten ari gara, publikoa irrikan zegoen berriro de Deabruak ikusteko eta, konpainiaren hamargarren urteurrena ospatzeko, piroteknia ikuskizun paregabea eskaini ziguten. Horrelako egitaraua izanik ez da batere arraroa 21.000 ikusletik gora hartu izana hamalau ikuskizunetan zehar.

Honekin, 32. KALEKAren ateak ixten dira, baina jaialdiak lanean jarraitzen du udazkenean irekiko den deialdi zabala prestatzeko. Gogoratu, urtero bezala, KALEKAn parte hartzen duten proposamen guztiak deialdi ireki baten bidez aukeratzen direla. Aurtengoan 400 proposamenetik gora jaso ziren eta hurrengo edizioan gehiago izatea espero da. Informazio guztia kaleka.eus orrialdean egongo da udazken honetan.

Era berean, KALEKA jaialdiak eskerrak eman nahi dizkie hiru egun hauetan zehar parte hartu duten konpainia, kolektibo, laguntzaile eta, orohar, jaialdi honen parte izan direnei. Edizio hau arrakastatsua izan bada, guztiei esker izan da.

Hastear da KALEKAren 32. edizioa!

Lekeitiok ikuskizun onenez gozatuko du berriro ere 32. KALEKArekin. Kaleko arteak izango dira gure udalerriko udako protagonista nagusiak, bi urteren ondoren eskualdeko jaialdirik garrantzitsuena berreskuratuko baitute. Kultur ikuskizunen berpizkundea izango da, Lekeitioko Nazioarteko Jaialdia Kale Arteen zaleentzako nahitaezko bisitetako bat bilakatuz.

14 ikuskizun 3 egunetan

Guztira udalerri osoan zehar banatuko diren 14 ikuskizun izango ditugu. Horri esker, ikusleek ekitaldiez gozatzeaz gain, Lekeitioko leku adierazgarrienak eta ezezagunenak ezagutzeko aukera izango dute.

Edizio honetan parte hartuko duten konpainiak eta taldeak Katalunia, Madril, Galizia, Andaluzia, Murtzia eta, noski, Euskal Herritik eratorriak dira. Antzerkia, clownak, piroteknia, malabareak eta gogoeta eragingo duten ikuskizunak izango ditu uztailaren 8, 9 eta 10ean ospatuko den jaialdian.

Gogora dezagun urtero bezala, jaialdian parte hartzen duten konpainia eta kolektiboak deialdi zabal baten bitartez aukeratuak izan direla. Guztira 437 ikuskizun aurkeztu ziren edizio honetan eta horietatik 12 izan dira aukeratuak. Gainera, garapen edo sorrera prozesuan dauden 2 konpainiaren lanak ere izango ditugu. Hau da, guztira 14 ikuskizunez osatutako jaialdia izango da.

Ofiziala, Scratch eta Blai

Aurreko urteetan ohitura izan den antzera, KALEKAk hiru lan lerro ezberdinduko ditu horretarako sortutako atalekin: KALEKA Ofiziala, KALEKAz Blai eta KALEKA Scratch.

KALEKA Ofizialak formatu ezberdinak lantzen dituzten konpainia eta kolektiboen lanak batzen ditu. Aurten El mono habitado, Barsanti, Kaput, Markeliñe eta Lekittoko Deabruak bezalako konpainia euskaldunak hartuko ditu bere barnean atal honek. Baina baita estatu mailako Troula Animaciones, Javier Ariza, Nacho Vilar Producciones, Ambae Company, El Gran Dimitri eta Bucraá Circus.

KALEKA Scratch-ek garapenen edo sorrera prozesuan dauden lanak batzen ditu, kultur agente, artista, ikusle eta abarren arteko sormenezko elkar trukaketa garatzeko espazioak eskainiz. Scratch-ek deialdi zabalaren bitartez aurkeztutako proposamenak hartzen ditu bere gain. Edizio honetan 21 eskaera jaso dira eta horietatik 2 izan dira aukeratuak, garapen fase ezberdinetan aurkitzen direlarik eta Bartzelona eta Nafarroatik eratorriak. Aurten Idoloca eta La Suricata Circus konpainien lanak izango ditugu atal honetan.

KALEKAz Blai sekzioak esperimentazioarekin eta ikusleen parte hartze zuzenarekin lotutako akzioak hartzen ditu bere barnean. Edizio honetan Bambolea konpainiaren “Circus Feria” izango dugu. Zirku azoka honek zirkugintzaren alor ezberdinak hartuko ditu bere barnean: Feria jokoak, zirku tailerrak eta ikuskizunak.

KALEKAren 32. edizioak are indartsuago birsortu eta itzuliko da, Lekeitioko txoko guztiak jendez bete eta kaleko arteez berriro gozatzeko aukera emanez.

32. KALEKA: sugarretatik berpizkundera

Aurtengo jaialdia oso berezia izango da. Azken bi urteetako ezohiko egoerak sortutako sugarretatik piztu eta berpiztu egingo da Lekeitioko Nazioarteko Kale Arteen Jaialdia. Muga guztiak gainditu eta ikuskizunek herriko kaleak hartuko dituzte.

Eta zer hobeto berpizteko KALEKAk jaiotzen ikusi zuen Lekittoko Deabruak taldea baino? 10 urte betetzen ditu konpainiak eta su eta argiz betetako jaia eskainiko digute. Zalantzarik gabe aurtengo edizioan ikusi ahalko dugun ikuskizun ederrenatakoa izango da. Lekittoko Deabruek jaialdiaren sugarrak piztu, ikusleak suaren berotasunez inguratu eta denbora luzean ahaztuko ez dugun ikuskizuna eskainiko digute.

KALEKA jaialdiak Lekittoko Deabruakin hainbat ikuskizun hartu ditu urteetan zehar, bata bestea baino ederragoa. Hori dela eta, aurtengoa oraindik bereziagoa izatea espero da.

10 urtez, hamaika sugar

Urte guzti hauetan hainbat ikuskizun sortu dituzte: Mingorri, Akelarre, Anabasa, DKDance edota Deabruak gara. Urteurren berezi hau ospatzeko ikuskizun denak gau bakarrean bateratuko dituzte, su eta argi espektakulu erraldoi bat eskainiz. Gainera, “10 urtez, hamaika sugar” izeneko ikuskizunean ez dira bakarrik egongo, 30 urte bete dituzten Diables de Riudoms taldea ere gonbidatuko dute bertara.

Talde lekeitiarra sortu zenetik ehun ikuskizunetik gora eskaini dituzte eta, haien ibilbidea borobiltzeko, 2012an jaiotzen ikusi zituen lekuan ospatuko dute hamargarren urteurrena. Zalantzarik gabe harrituta utziko gaituen gau zoragarria eskainiz.

3 egun, 14 ikuskizun

Uztailaren 8, 9 eta 10ean ospatuko den KALEKA jaialdiak 14 ikuskizun aurkeztuko ditu. Zeintzuk diren ezagutu nahi? Ezagutu egitarau osoa kaleka.eus orrialdean!

32. KALEKA: Kale arteen berpizkundea

Lekeitiok ikuskizun onenez gozatuko du berriro ere 32. KALEKArekin. Kaleko arteak izango dira gure udalerriko udako protagonista nagusiak, bi urteren ondoren eskualdeko jaialdirik garrantzitsuena berreskuratuko baitute. Kultur ikuskizunen berpizkundea izango da, Lekeitioko Nazioarteko Jaialdia Kale Arteen zaleentzako nahitaezko bisitetako bat bilakatuz.

14 ikuskizun 3 egunetan

Guztira udalerri osoan zehar banatuko diren 14 ikuskizun izango ditugu. Horri esker, ikusleek ekitaldiez gozatzeaz gain, Lekeitioko leku adierazgarrienak eta ezezagunenak ezagutzeko aukera izango dute.

Edizio honetan parte hartuko duten konpainiak eta taldeak Katalunia, Madril, Galizia, Andaluzia, Murtzia eta, noski, Euskal Herritik eratorriak dira. Antzerkia, clownak, piroteknia, malabareak eta gogoeta eragingo duten ikuskizunak izango ditu uztailaren 8, 9 eta 10ean ospatuko den jaialdian.

Gogora dezagun urtero bezala, jaialdian parte hartzen duten konpainia eta kolektiboak deialdi zabal baten bitartez aukeratuak izan direla. Guztira 437 ikuskizun aurkeztu ziren edizio honetan eta horietatik 12 izan dira aukeratuak. Gainera, garapen edo sorrera prozesuan dauden 2 konpainiaren lanak ere izango ditugu. Hau da, guztira 14 ikuskizunez osatutako jaialdia izango da.

Ofiziala, Scratch eta Blai

Aurreko urteetan ohitura izan den antzera, KALEKAk hiru lan lerro ezberdinduko ditu horretarako sortutako atalekin: KALEKA Ofiziala, KALEKAz Blai eta KALEKA Scratch.

KALEKA Ofizialak formatu ezberdinak lantzen dituzten konpainia eta kolektiboen lanak batzen ditu. Aurten El mono habitado, Barsanti, Kaput, Markeliñe eta Lekittoko Deabruak bezalako konpainia euskaldunak hartuko ditu bere barnean atal honek. Baina baita estatu mailako Troula Animaciones, Javier Ariza, Nacho Vilar Producciones, Ambae Company, El Gran Dimitri eta Bucraá Circus.

KALEKA Scratch-ek garapenen edo sorrera prozesuan dauden lanak batzen ditu, kultur agente, artista, ikusle eta abarren arteko sormenezko elkar trukaketa garatzeko espazioak eskainiz. Scratch-ek deialdi zabalaren bitartez aurkeztutako proposamenak hartzen ditu bere gain. Edizio honetan 21 eskaera jaso dira eta horietatik 2 izan dira aukeratuak, garapen fase ezberdinetan aurkitzen direlarik eta Bartzelona eta Nafarroatik eratorriak. Aurten Idoloca eta La Suricata Circus konpainien lanak izango ditugu atal honetan.

KALEKAz Blai sekzioak esperimentazioarekin eta ikusleen parte hartze zuzenarekin lotutako akzioak hartzen ditu bere barnean. Edizio honetan Bambolea konpainiaren “Circus Feria” izango dugu. Zirku azoka honek zirkugintzaren alor ezberdinak hartuko ditu bere barnean: Feria jokoak, zirku tailerrak eta ikuskizunak.

KALEKAren 32. edizioa are indartsuago birsortu eta itzuliko da, Lekeitioko txoko guztiak jendez bete eta kaleko arteez berriro gozatzeko aukera emanez.